Чарвякоў Аляксандр Рыгоравіч (1892-1937) - савецкі дзяржаўны дзеяч, адзін з кіраўнікоў урада Савецкай Беларусі. у 1918 г. камісар Белнацкама. 1 студзеня 1919 г. у ліку 5 членаў Часовага рабоча-сялянскага савецкага ўрада Беларусі падпісаў у г. Смаленску Маніфест аб абвяшчэнні Сацыялістычнай Савецкай Рэспублікі Беларусі (ССРБ). У 1919 народны камісар асветы. У 1920-1924 г.г. старшыня ЦВК і СНК БССР, з 1924 г. старшыня ЦВК БССР і сустаршыня ЦВК СССР. 10 чэрвеня 1937 г. даведзены рэпрэсіямі ў СССР да самагубства.